انا اذكر قلت أبي أرحل قالت لاتخليني ..!!

ترى من جد أكرها ياعالم ناشبه فيني
تغير دايم الارقام عشان ارد واكلمها

لعنت اليوم ذاك أللي جمع نظراتها بعيني
وصرت أتمنى ذاك اليوم يجي فجاءه وأودعها

حرام أقول يافلااااانه روحي لاتحبيني
وحرام أبقى معاها كذب على إني أطاوعها

حرام أكسر محبتها وأبين قولت إنسيني
حرام أكذب على نفسي على إني أنا معها

انا اذكر قلت أبي أرحل قالت لاتخليني
وصار الدمع على الخدين يغير من ملامحها

وقالت لارحلت إنته جعل موتي يناديني
مع اني قاسي(ن) معها,,كأني كنت أدلعها

طفله لينت قلبي ودلتني عناويني
وذبت آنا معاها صدق وصعب إني أفارقها

خذت روحي بـ لطافتها وميانتها تسليني
وصرت أخشى دموع العين تنزل من مدامعها

وصار الكون في كفه وإهي صارت تكفيني
ملاك(ن)لاحشى والله عجزت إني أشبهها

وكل ماأشوفها والله أقول إنتي توديني
أخاف إنها تصرفني مثل ماانا أصرفها

ياعالم شكلها بتقول ترى هذا نشب فيني
واصير أنا الغبي أللي يفكر بس يكلمها

***
وسلامتكم للشاعر المبدع
>>مانع بن شيبان<<

تحياتي للجميع